အဆုတ်ကို အားကောင်းစေပြီး မိမိကိုယ်တိုင်လည်း လုပ်လို့ရတဲ့ သဘာဝနည်းလမ်း(၅)မျိုး

 

အဆုတ်ကို အားကောင်းစေပြီး မိမိကိုယ်တိုင်လည်း လုပ်လို့ရတဲ့ သဘာဝနည်းလမ်း(၅)မျိုး 💥💥
••••••••••••••••••••••••••••••••••••••••••••••••••••••••
၁။ ရေနွေးငွေ့ ရှုခြင်း
============
ရေနွေးငွေ့ရှူခြင်းသည်အဆုတ်လမ်းကြောင်းကိုပွင့်စေပြီးချွဲများကိုပျော်စေပါတယ်။အဆုတ်မကောင်းသောသူများသည် အေးသောအချိန် သို့မဟုတ်ပူသောအချိန် မိမိ၏ အဆုတ်လက္ခဏာများ ပိုဆိုးတတ်လာကြောင်း သတိပြုမိတတ်ပါမည်။ရာသီဥတု အပြောင့်လဲကြောင့် အဆုတ်တွင် ချွဲစို့တတ်ပါတယ်။ရေနွေးငွေ့သည်လေကို စိုစွတ်စေပြီး ချွဲများကို ပျော်ဝင်လွယ်စေပါတယ်။ရေနွေးငွေ့ရှူခြင်းဖြင့်ချွဲပိတ်ခြင်းကိုချက်ချင်းသက်သာကာ အသက်ရှူခြင်းကို ပိုမိုကောင်းမွန်လာစေသည်။လေ့လာချက်အရ လေပြွန်ကျဥ်းလူနာများ အနက်မှ ရေးနွေးငွေ့ရှူသော လူနာများသည် သိသာစွာအသက်ရှူနှုန်း နှင့် နှလုံးခုန်နှုန်း ထိန်းနိုင်ကြောင်းတွေ့ရှိရပါတယ်။
၂။ အသက်ရှူ လေ့ကျင့်ခန်း
================
ပုံမှန် အသက်ရှူတာမျိုး မဟုတ်ဘဲ အသက်ကို ဝမ်းဗိုက်ထဲထိရောက်အောင် ရှူရတာပါ။ ရင်ဝမ်းခြားမြှေး ကြွက်သားကို ကျုံ့ဆန့်ပေးပြီး သန်မာလာစေဖို့လည်း ထောက်ကူပေးပါတယ်။
ဒီလေ့ကျင့်ခန်း လုပ်ဖို့ဆိုရင် အရင်ဆုံး သက်တောင့်သက်သာ ဖြစ်အောင် ပက်လက်လှဲလိုက်ပါ။ ပြီးရင် လက်တစ်ဖက်ကို ဝမ်းဗိုက်ပေါ်မှာ ထားပြီး တစ်ဖက်ကို ရင်ဘတ်ပေါ်မှာ ထားပေးပါ။ ဒူးခေါင်း အောက်မှာ စောင် မထူမပါးလေး ထည့်ထားပေးပါ။
ပြီးရင်တော့ နှာခေါင်းကနေတဆင့် လေကို ဝအောင် ရှူသွင်းပါ။ ဝမ်းဗိုက်လေး ချပ်သွားတဲ့အထိပေါ့။ ခဏလေး အောင့်ထားပြီး ပါးစပ်ကနေ လေကို ပြန်မှုတ်ထုတ်ပါ။ ၁၀ ခေါက်လောက် လုပ်ပေးပါ။
ပက်လက်မလုပ်ချင်ဘူးဆိုရင်တော့ ခပ်မတ်မတ်လေးထိုင်ပါ။ ပခုံးတွေကို ဖြေလျော့ထားပါ။ ခါးကြောလေး ဆန့်နေဖို့ မမေ့ပါနဲ့။ ပြီးရင် နှာခေါင်းကနေ လေကို တဝ ရှူသွင်းပါ။ ပြီးရင် ပါးစပ်ကနေ ပြန်ထုတ်လိုက်ပါ။
၃။ လက်ဖက်စိမ်း ရေနွေးကြမ်း
==================
လက်ဖက်စိမ်းတွင် ဓာတ်တိုးဆန့်ကျင်ပစ္စည်းများ ပါဝင်သောကြောင့် အဆုတ်ရောင်ရမ်းခြင်းကို သက်သာစေပါတယ်။ ၎င်းဒြပ်ပေါင်းသည် အဆုတ်ကို အငွေ့အမှုန် အန္တရာယ်မှ ကာကွယ်ပေးပါတယ်။ တနေ့ လက်ဖက်စိမ်း ရေနွေးကြမ်း
၂ ခွက်သောက်ခြင်းသည် အဆုတ်ပိုမိုအားကောင်းကြောင်း တွေ့ရှိရပါတယ်။
၄။ ရေဓာတ်ပြည့်ဝအောင်နေပါ
=================
ရေကို လုံလုံလောက်လောက်သောက်သုံးတာက အဆုတ်အတွက်လည်း အရေးကြီးပါတယ်။ သင်က ရေဓာတ်ပြည့်ဝနေမယ်ဆိုရင် အဆုတ်ရဲ့လုပ်ဆောင်ချက်အား ပိုကောင်းလာစေပါတယ်။
၅။ အဆုတ်အားကောင်းစေသော အစာအစားများ
============================
လေပြွန်ရောင်ရမ်းခြင်းသည် အသက်ရှုရန်ခက်ခဲစေပြီး အဆုတ်ကို ပိုမိုကြပ်စေပါတယ်။ အဆုတ်ရောင်ရမ်းမှု သက်သာစေသော အစာအစားများမှာ
– ကွမ်းရွက်၊ဂျင်း၊လောက်သေ၊ပဒဲကော၊နွယ်ချို၊လေးညှင်း
– အစိမ်းရောင်ရှိသောအရွက်များ
– ပင်စိမ်း၊ဇီယာ၊နာနတ်ပွင့်၊ ကြက်သွန်ဖြူ/နီ
– ကြက်ပြုတ်ရည်ကို ငရုတ်ကောင်းထည့်ပြီး စားပေးပါ။
– ဗိုက်တာမင်စီ ကြွယ်ဝတဲ့ အစားအသောက်တွေ စားပေးပါ။
– အားဆေးတစ်ခုခုသောက်ပါ